Ek chinkh aisi bhi


Kucha taklifo ka jikr ho raha hai to kuch jatana chahunga,
Ek dost thi jiski bejubaa hakikat ko batana chahunga

Tuze kya lagta hai tere jasbato ko koi samjta nahi hai,
Tere badhte asptal ke chakkaro koi dekhata nahi hai

Koi jalil kissa hai jo tera halde de jism baya kar raha hai,
Kahi tu us julm ka shikar to nahi, jo tera husn ab use kehne dar raha hai

Kai koshisho ke baad us dastaa ko ek jubaa mili,
Jise sunkar us chitragupt ne bhi apne kampte hato se ek saja likhi

Ek yudhha dikha jo tu apne aap se ladh rahi thi,
Un kans, kaurav , danvo ki bhid teri kahani me badha rahi thi

Vo sangeen haivaniyat ke jasbat tere halak se utar rahe the,
In pinjaro me pal rahe darindo ke aehsas ho rahe the

Vo teri chinkhe ab un divaro ko chub rahi thi,
Teri aavaj nahi us kali ki kokh vaha apna dam tod rahi thi

Un janvaro ne batsaluki ki hade paar kar di,
Apni maa, behen , biwi sabki yaunta maili kar di

Us din to Vo lankadhish bhi apni maryadao ka abhiman kho baitha,
Kuch jalimo ki harkto se to vo ram bhi badnam ho baitha

Tabahi ke manjar par khada vo parivar nyay ki guhar lagata raha,
Lekin vo andha kanun , adalat , police bas unka ek majak banata raha

Aur ek thaki raat us ghar ke kirdaro ne jeher ko gale laga liya,
Apne lasho se us chhat ki farsh ko saja diya

Us pal maine apne andar ke baap , bhai, bete ko marte dekha,
Insaniyat ki maut par jallado ka jalsa hote dekha

Bas ab aakhir me Ek sawal hai is samaj se,
kya aazhadi aur julm ek hi khun ki paidaish hai,
Aur Kya sachme is sadi ki mahila savindhan ke insaaf se vakif hai

Poem Rating:
Click To Rate This Poem!

Continue Rating Poems


Share This Poem